રૂમ ઝૂમ કરતા આવો અંબે માં પ્રેમે જમાડું આવો બાજોથીયે બિરાજો અંબે માં પ્રેમે જમાડું આસોપાલવ ના તોરણ બંધાવું , કહોતો ફૂલડા વેરાવું . પ્રેમે જમાડું . માવા મીઠાઈ પકવાન ધરાવું ,માખણ મિશ્રી પ્રેમે ધરાવું , કહો તો કોળિયા ભરાવું ,અંબે માં પ્રેમે જમાડું , જળ સરસ્વતી ની ઝ્હારી ભરાવું. કહો તો આચમન કરાવું , અંબે માં પ્રેમે જમાડું , લવિંગ સોપારી અને એલચી ધરાવું ,મુખવાસ હાથે કરાવું અંબે માં પ્રેમે જમાડું , તારું આપેલું માડી તને ધરાવું , હું તો ગરીબ ક્યાંથી લાવું અંબે માં પ્રેમે જમાડું