આજ સપના માં મે તો અંબા ભવાની માં દીઠા જો
આશિષ અનેરી દેતા અંબે માં સપના માં રે ,
આજ સપના માં મેતો ચોક ચાચર નો દીઠો જો
ગાતા તા ગરબા ઓ નવ દુર્ગા સપના માં રે
આજ સપના માં મેં તો માન સરોવર દીઠા જો
કાંઠે કાંઠે ઘૂમતા અંબે માં સપના માં રે
સાખી
આરાશુર અલબેલડું
દિવ્ય શુશોભિત ધામ
ગરવું ને ગૌરવભર્યું
નુતન નવલું નામ

આજ સપના માં મેં તો શંખલપુર ને દીઠું જો
સંખલપુર ના રાની મધુર મારા સપના માં જો
આજ સપના માં મેતો ગઢ પાવા નો દીઠો જો
પાવા ની પટરાણી ભવાની માં મારા સપના માં


વહાલી પ્રવિત્ર અંબા તુજ પાસ શીશ નમાવું
દુખિયા ના દરદ કાપો , સુખિયા ને શક્તિ આપો
આંધળા ને આંખો આપો ગરીબો ને ભક્તિ આપો વહાલી ...
વાન્જીયા ને પુત્ર આપો , રોતા કકળતા આવે ,
આબુ નિવાસી અંબા તુજ પાસ શીશ નમાવું ,
ચુવાળ નિવાસી બહુચર , તુજ પાસ શીશ નમાવું ,
ગરબો શિરે લઇ ફરતા રમે નવદુર્ગા સંગે વહાલી
ગરબા રૂડા સૌ ગાયે અનાદ અતીજે આવે ,
સેવક ની એવી અરજી રહેજો સદા હૃદય માં
વહાલી પવિત્ર અંબા તુજ પાસ શીશ નમાવું



ધન્ય ધન્ય આરાશુર ની રાણી અંબા ચાર જુગ માં જાણી
બહુચર ચાર જુગ માં જાણી ,માં ઓઢણ પેહરણ લીલા ચરણા
જમવા વેળા થાય માં ,પ્રાત કાળે દર્શન દ્યો ત્યારે , દિશો નાના બાળ રે ધન્ય ...
માં સોના કેરું છત્ર બિરાજે દશે આંગળીએ વેઢ રે માં ધન્ય ...
મધ્યાને જયારે દર્શન દ્યો ત્યારે દિશો છો આધેડ રે માં
માં સાયેન કાળે થાય આરતી વાગે મૃદંગ ને ચંગ રે માં ધન્ય ...
સાયેન કાળે દર્શન દ્યો ત્યારે દિશો ઘરડે અંગ રે માં ,
સેવા કરે સેવક જન સૌ સાંજે સવારે ખાસ રે માં ધન્ય ...
કર જોડી ને કરું વિનંતી રંક અંબા નો દાસ રે માં
ધન્ય ધન્ય આરીઆશુર ની રાણી, અંબા ચાર જુગ માં જાણી