લગની લાગી અંબા તારા નામ ની રે લગની લાગી માજી તારા નામ ની રે

આવી મળશો ક્યારે તમે માત રે ,લગની લાગી .

માજી પૂર્વ જનમ ની પ્રીતડી રે આપણો માતા પુત્ર નો સંબંધ ,

હું તો આવી ઉભો તમ બારણે રે મુજ ને આપો દર્શન મોરી માત રે લગની ...

જનની જગદંબા નવ જાણીયા રે મેં તો એળે ખોયો અવતાર રે લગની ...

ખાધું પીધું ને અંતે ખેલીયો રે માર્યો માયા એ જયારે માર રે , લગની ...

અંધકાર અંતર માં છવાઈ રહ્યો રે કરો જ્ઞાન દીપક ની જ્યોત લગની ...

બાળક બુધિ વિનાનો પણ આપનો રે બોલે ગાંડું ઘેલું તો કરજો માફ રે લગની...

ભગવતી ભક્તિ તમારી વિસર્યો રે મેતો કીધા ન પૂજા પાઠ રે લગની...

અવસર ક્યારે માજી એવો આવશે રે થાશે ક્યારે આપના દર્શન રે લગની ...

પેટ ને માટે પ્રપંચો આદર્યા રે કીધા હશે ઘણા વળી પાપ રે લગની ...

માજી નર્મદ તારો ઉચરે રે , આવી કરો અંતર માં વાસ રે લગની....

કુમકુમ ભર્યા રે માજી શોભતા આજ ચાચર માં ઝાકઝમાળ રે અંબે આઈ કુમકુમ ભર્યા રે

સોમવારે રૂડા શોભતા આજ ગબ્બર માં ઝાકઝમાળ અંબે આઈ ...

મંગળવારે માં નાં મંદિરે ભાવે આનંદ મંગલ થાય રે અંબે આઈ ...

બુધવારે બાળા બહુચરા રે માજી ચાચર રમવા જાય રે અંબે આઈ

ગુરુવારે ગબ્બર ગોખ માં માજી હેતે હિન્ચોલા ખાય રે અંબે આઈ ...

શુક્રવારે સમી સાંજ ના માજી સરવર રમવા જાય રે અંબે આઈ

શનિવારે શોભા સામટી માજી મન માં શાં મલકાય રે અંબા આઈ

રવિવારે જેવી ભાવના તેવા ભક્તો ને દર્શન થાય રે અંબે આઈ ...